ఆగిపోదామా ఇలా....??!!

 సాగిపోదామా....?

 గలగలమనే సెలయేరు పై,

 చల్లగా జాలువారే నీటి ప్రవాహాన్ని ఆపద్దని...!!

ఎగిరిపోదామా ....?

దూసుకుపోయే గాలిపటం లా,

కమ్మగా గాలికి మన ప్రేమ పరిమళాన్నద్దుకోమని..!!

అల్లుకుపోదామా ? 

  ఎదిగిపోయే తీగల పై,

ఆకునీవై,పూవు నేనై ఇద్దరినీ ఒదిగుండనివ్వమని..!!

కలిసిపోదామా...?? 

వాగర్ధాలకే అందని అర్ధం లా,

నిన్నూనన్నూ ఏవీ వేరు చేయలేవనే వాక్యాన్ని చెప్పమని...!!

పారిపోదామా...?

 ప్రకృతిపై పయనించే ప్రవాహంలా,

అందనంత ఎత్తులో ఉన్న ఆకాశాన్నే మనల్ని చేరతీయమని ..!!

కానీ ,

నే గీసిన చిత్రం..

ఆగిపోదాం....... ఇలా చంద్రుడిలో 

 ఒకరిలోఒకరం ఒదిగిపోతూ 

మనల్నేవి కదిలించకుండా వృత్తంలో  ఇలా దాచేసుకొమ్మని ..!! 

--సీత..