నీవే నేనవుతా....

నా ఊహల భావాని వి నీవయితే

నీ ఊహలఊయల లో బంధీ ని నేనవుతా

నా అందెల ని సవ్వడి చేసే అల్లరివి నీవయితే

నీ అల్లరి లో అలుపెరగని అలనే నేనవుతా 

నా మదిని మురిపించే వేణు గానమే నీవయితే
నీ మది పై చేరి మరిపించే  మల్లే ని నెనవుతా

నా కోపం  లో కసి గా కవ్వించే యుద్దానివి నీవయితే
నీ చే ఓటమి పాలై నీ గెలుపు గర్వాన్నే నేనవుతా

నా బాధలో ఓదార్పు నిచే అమ్మ వు నీవయితే
నీ ఒడి లో ఒదిగే పసిపాప నేనవుతా

నా గుండె గుడికి దీపానివి నీవయితే
నీ గుసగుసల గానం లో గోప్యాన్ని నేనవుతా

నా కన్నీటి ని కట్టడి చేసే  వారధి నీవయితే
నీ కై కదలాడే స్నేహాన్ని నేనవుతా

నా చెక్కిలి లో చేరే చిరునవ్వు నీవయితే
నీ చనువు లో నీ చేలి నే నేనవుతా

నా కనులని కలతపరచే కల వి నీవయితే
నీ కనులలో కదలని కవిత ని నేనవుతా

నా పాదాల పై పండిన పారాణి నీవయితే
నీ పెదవుల పిలుపుల కి పులకరింత నేనవుతా

నా నోసట కుంకుమ ప్రతీకవే నీవయితే

నీ పాదాల పై నా చే చేరే పుష్పాన్నే నేనవుతా...

నా నగుమొము ను వెలిగించే రాముడు వి నీవయితే
నీ నీడ నై నీ వెంటే నడిచే  సీత నే నేనవుతా...

నా ఈ ప్రేమ 'పలుకుల'కి పేరే నీవయితే
నీ ప్రేమ నే కోరే "ప్రశ్న" ని నేనవుతా

నా నుండీ దూరమయ్యే "విరహాని" వి నీవయితే
నీ విరహాన్నే వరించే 'వనిత' నే  నేనవుతా..............!!

నీవే నేనవుతా....

- సీత..